Այսօր ԵՊՀ-ում կայացավ «BioExpo» ցուցահանդեսը, որում ներկայացված էր նաև Գերմանիայի բնության պահպանության միության (NABU) հայաստանյան մասնաճյուղը։
Ցուցահանդեսի ընթացքում համալսարանականները հնարավորություն ունեցան ծանոթանալու՝
- կազմակերպության գործունեությանը,
- առկա ծրագրերին,
- կամավորության հնարավորություններին։
Մոտենալով տաղավարին՝ ուսանողները նաև ծանոթացան այն մեթոդներին, որոնք կիրառվում են ուսումնասիրելու համար Հայաստանի հարուստ կենսաբազմազանությունը, ինչպես նաև դիտելու կազմակերպության կողմից պատրաստված մի շարք տեսանյութեր՝ տարբեր թռչնատեսակների առանձնահատկությունների և նրանց շրջանում առկա հիմնախնդիրների վերաբերյալ, ֆոտոթակարդներից և առցանց տեսախցիկներից ստացված կադրեր։
Շնորհակալ ենք ԵՊՀ կենսաբանության ֆակուլտետին բուհ-գործատու կապի ամրապնդմանը նպաստելու, մեզ հրավիրելու, ինչպես նաև համալսարանականներին՝ ցուցաբերած մեծ հետաքրքրության համար։
